მენიუ
News...✔ [64]
ვარსკვლავები...★ [124]
ფოტოები...☼ [95]
ანიმაციები...☮ [43]
ავატარები...☆ [29]
სიმღერები...♪ [27]
ვიდეოები...♫ [10]
ფილმები...☯ [47]
Book...♠ [80]
Fashion...♡ [52]
LegoHouse ★ [17]
სასაცილო...ஜ [14]
საინტერესო...✿ [46]
ჩემი შემოქმედება...♡ [14]
კონკურსი...♛ [13]
სხვა...✘ [35]
ბიოგრაფიები [31]
სტატუსები [10]
თამაშები [5]
სერიალები [8]
BirthDays [5]
ჩემი ბიოგრაფია [11]
ჩანახატები [7]
 
გამოკითხვა
მოგწონთ საიტი?
სულ პასუხი: 100
 
მინი-ჩეთი
 
ძებნა
 
გამოკითხვა
რომელი ვარსკვლავი მოგწონთ?
სულ პასუხი: 184
 
მთავარი » 2013 » მარტი » 16 » Angelina Jolie
7:06 PM
Angelina Jolie
ანჯელინა ჯოლი ვოიტი (ინგლ. Angelina Jolie Voight) (დ. 4 ივნისი, 1975), უკეთ ცნობილი როგორც ანჯელინა ჯოლი — ამერიკელი კინომსახიობი. პოპულარული მედიის მიერ ის ხშირადაა აღიარებული როგორც მსოფლიოს ერთ-ერთი ულამაზესი ქალი. ხოლო მისი არაეკრანული, პირადი ცხოვრება ფართოდაა გაშუქებული. მას მიღებული აქვს სამი ოქროს გლობუსი, ორი კინომსახიობთა გილდიის პრემია და ოსკარი.

მიუხედავად იმისა რომ ანჯელინას დებიუტი მის ბავშვობაში შედგა მამამისთან ერთად
1982 წლის ფილმში „ველოდები წასვლას", ჯოლის სამსახიობო კარიერა დაიწყო მოგვიანებით, დაბალბიუჯეტიანი ფილმით „კიბორგი 2" (1993). მან პირველი მთავარი როლი განასახიერა ფილმში „ჰაკერები" (1995), ასევე მან ითამაშა კრიტიკოსთა მიერ კარგად მიღებულ და აღიარებულ ბიოგრაფიულ ფილმებში: „ჯორჯ ვალასი" (1997) და „ჯია" (1998) და მიიღო ოსკარი, როგორც მეორეხარისხოვანი როლის საუკეთესო შემსრულებელმა ქალმა, ფილმისათვის „გოგონა, რომელსაც შეაწყვეტინეს" (1999). ჯოლიმ მიაღწია საქვეყნო აღიარებას ფილმით „ლარა კროფტი: სამარხების მძარცველი" (2001), სადაც მან ვიდეო-თამაშის გმირი, ლარა კროფტი განასახიერა. ამის შემდეგ ის გახდა ერთ-ერთი ყველაზე ცნობილი და მაღალანაზღაურებადი მსახიობი ჰოლივუდში. მან თავისი ყველაზე დიდი კომერციული მოგება ნახა მძაფრსიუჟეტიანი კომედიური ჟანრის ფილმით „მისტერ და მისის სმიტი" (2005).

ანჯელინა დაშორდა თავის პირველ მეუღლე ჯონი ლი მილერს, მეორე მეუღლე ბილი ბობ ტორნტონს, ახლა კი მსახიობ ბრედ პიტთან ერთად ცხოვრობს, მათ შორის ურთიერთობამ მსოფლიო მედიის ყურადღება დაიმსახურა. ჯოლის და პიტს ჰყავთ სამი აყვანილი ბავშვი: მედოქსი, პექსი და ზაჰარა, ისევე როგორც სამი ბიოლოგიური შვილი: შილო, კნოქსი და ვივიენი. ანჯელინა დაკავებულია საქველმოქმედო საქმეებით მთელ მსოფლიოში და ასევე ის თანამშრომლობს
UNHCR-სთან.

ანჯელინა ჯოლი ვოიტი დაიბადა ლოს-ანჯელესში, კალიფორნიაში, არის მსახიობ ჯონ ვოიტისა და მარჩელინ ბერტრანდის შვილი. ის ჩიპ ტეილორის ძმისწულია და ჯეიმს ჰეივენის და, ასევე ჟაკლინ ბისეტისა და მაქსიმილიან შელის ნათლული. მამის მხრიდან ანჯელინა სლოვაკური და გერმანული წარმოშობისაა, დედის მხრიდან კი ფრანგი კანადელია.

1976 წლიდან მშობლების დაშორების შემდეგ ჯოლის და მის ძმას ზრდიდა დედა, რომელმაც მსახიობობისაკენ მისწრაფება დაივიწყა და და ბავშვებთან ერთად გადავიდა პალისეიდსში, ნიუ იორკში. პატარა ენჯი ხშირად უყურებდა ფილმებს დედასთან ერთად და მოგვიანებით მან აღნიშნა, რომ სწორედ ამ გარემოებამ დააინტერესა ის მსახიობობით. მამას მისთვის ძალა არ დაუტანებია, რომ არტისტი გამხდარიყო. როცა ანჯელინა 11 წლის იყო ოჯახი კვლავ ლოს ანჯელესში დაბრუნდა, მან გადაწყვიტა რომ მსახიობობა სურდა და ჩაირიცხა კიდეც ლი სტრასბერგის თეატრალურ ინსტიტუტში, სადაც ის ორი წელი გადიოდა სამსახიობო ტრეინინგებს და ჩნდებოდა სპექტაკლებში. ენჯის დედას მცირე შემოსავალი ჰქონდა, ამიტომ მომავალი ვარსკვლავი ხშირად ატარებდა მეორად ტანსაცმელს. მას ასევე აღიზიანებდნენ სხვა სტუდენტები, რომლთა ერთგვარი მიზანიც მის განსხვავებულ ნაკვთებსა და გარეგნობაზე დამცინავი საუბარი იყო, რადგანაც მსახიობი ძლიერ გამხდარი იყო, ატარებდა სათვალეს და ე. წ. აჭიმს. როდესაც ჯოლის პირველადი სამოდელო მცდელობა წარუმატებელი აღმოჩნდა მან თითქმის მთლიანად დაკარგა თვით-პატივისცემა და თავისი თავის რწმენა. დაიწყო საკუთარი თავისათვის ზიანის მიყენება, მოგვიანებით ამაზე ჯოლიმ განაცხადა: „მე ვაგროვებდი დანებს და ყოველთვის მქონდა რამდენიმე მათგანი ახლომახლო. რაღაც მიზეზების გამო ჩემი თავის დაჭრის და ტკივილის შეგრძნების რიტუალი, რომელიც შესაძლოა მაგრძნობინებდა სიცოცხლესა და თავისუფლებას, იყო ჩემთვის ერთგვარი თერაპია".

ჯოლი მსოფლიო ეკონომიკურ ფორუმზე დავოსში, შვეიცარიაში,
2005 წლის იანვარში.

თოთხმეტი წლის ასაკში მან მიატოვა სამსახიობო კურსები და ოცნებობდა, რომ დამკრძალავი ბიუროს დირექტორი გამხდარიყო. ამ პერიოდის განმავლობაში ის ატარებდა შავებს, შეიღება თმა შინდისფრად და თავის ბოიფრენდთან ერთად დადიოდა ე. წ. მოშინგის ტიპის კონცერტებზე, სადაც ცოცხალი მუსიკის ფონზე დამსწრეები ერთმანეთს აგრესიულად ეპყრობიან, ხელს კრავენ. ორი წლის შემდეგ, როცა მეგობარ ბიჭთან ურთიერთობა დასრულდა, მან იქირავა გარაჟის თავზე საცხოვრებელი ადგილი დედამისის სახლიდან რამდენიმე უბნის დაშორებით. ის დაუბრუნდა თეატრალურ სწავლებებს და დაამთავრა სკოლა. თუმცა ბოლო დროს მან დაკვირვებით ისაუბრა ამ პერიოდზე და დასძინა: „მე გულში კვლავაც ვარ და ყოველთვის ვიქნები უბრალოდ პანკი ბავშვი ტატუებით".

ანჯელინა და მამამისი დიდი ხნის მანძილზე ერთმანეთს ჩამოშორდნენ, მაგრამ მათი ერთგვარი შერიგება მოხდა, როდესაც მამა გამოჩნდა შვილთან ერთად ფილმში „ლარა კროფტი: სამარხების მძარცველი" (
2001). 2002 წლის ივლისში ანჯელინამ წარადგინა განცხადება, რომ ლეგალურად შეეცვალა სახელი და გამხდარიყო: ანჯელინა ჯოლი ანუ მან ჩამოიშორა გვარი: ვოიტი. სახელის შეცვლა ოფიციალურად 2002 წლის 12 სექტემბერს მოხდა, ხოლო ამავე წლის აგვისტოში გადაცემაში „Access Hollywood" ჯონ ვოიტი ირწმუნებოდა, რომ მის ქალიშვილს სერიოზული ემოციური პრობლემები ჰქონდა. მოგვიანებით ჯოლიმ აღნიშნა, რომ ის აღარ აპირებდა ედევნა მისი და თავისი მამის ურთიერთობისათვის. მან განაცხადა: "მე და მამაჩემი არ ველაპარაკებით ხოლმე ერთმანეთს, მე არ ვარ მასზე ნაწყენი, არ მჯერა, რომ ოჯახი მაინცდამაინც სისხლით ნათესაობას ნიშნავს, რადგანაც ჩემი შვილი აყვანილია და ასე რომ ოჯახიც შეძენითია". ანჯელინამ განაცხადა, რომ არ სურდა იმ მიზეზების საქვეყნოდ გახმაურება, თუ რატომაც დაკარგა ურთიერთობა მამასთან.

ჯოლიმ მუშაობა დაიწყო, როგორც მოდელმა, როცა ის 14 წლის იყო. მას კონტრაქტი ჰქონდა სამოდელო სააგენტო Finesse Model Management-თან და მოღვაწეობდა ისევე როგორც ამერიკაში, ასევე - ევროპაშიც, ძირითადად ლოს-ანჯელესში, ნიუ-იორკსა და ლონდონში მუშაობდა. ამ პერიოდში ის გამოჩნდა ბევრ მუსიკალურ ვიდეოში, მაგალითად: მით ლოუფის "Rock & Roll Dreams Come Through", ანტონელო ვენდიტის "Alta Marea", ლენი კრავიტსის "Stand by My Woman" და ლემონჰედსის "It's About Time". 16 წლის ასაკში ჯოლი დაბრუნდა თეატრში და ითამაშა თავისი პირველი როლი, მან განასახიერა გერმანელი დომინანტი ქალი. მან გადაწყვიტა მამისაგან ესწავლა მისი ერთგვარი მეთოდი, რომელიც შემდეგში მდგომარეობდა: დააკვირდე ადამიანებს, რათა მათნაირი გახდე. ამ პერიოდში მამა-შვილის ურთიერთობა არ იყო დაძაბული და ენჯი ფიქრობდა, რომ ისინი ორივენი "დრამის დედოფლები" იყვნენ.

ჯოლიმ ითამაშა თავისი ძმის ხუთ სტუდენტურ ფილმში, რომელიც მან მაშინ გადაიღო როცა
USC School of Cinematic Arts-ში სწავლობდა, მაგრამ ანჯელინას პროფესიონალური კინო-კარიერა 1993 წელს დაიწყო, როცა მან ითამაშა მთავარი როლი დაბალბიუჯეტიან ფილმში "კიბორგი 2", სადაც მან განასახიერა კასელა (ქეშ) რისი - ადამიანური ტიპის რობოტი. ამას მოჰყვა ფილმი "სამხილის გარეშე", ხოლო თავის პირველ ჰოლივუდურ 1995 წლის ფილმში "ჰაკერები", სადაც ჯოლი მომავალ პირველ მეუღლე ჯონი ლი მილერს შეხვდა, მან ითამაშა კეიტ ლიბი. ფილმი ჩავარდა და მოგება ვერ მოიტანა, მაგრამ მას შემდეგ, რაც ვიდეოზე გამოვიდა, უამრავი ფანი შეიძინა.

ანჯელინა ჯოლი „ალექსანდრეს" პრემიერაზე კელნში, გერმანიაში

მან ითამაშა ჯინა მალაჩიჩი
1996 წლის კომედიაში "ყველაფერი, რაც აქ არის, სიყვარულია", რომელიც წარმოადგენს "რომეო და ჯულიეტას" თანამედროვე ადაპტირებულ ვარიანტს, მთავარი მოქმედება ნიუ-იორკის უბან ბრონქსში ხდება, ორ მეტოქე რესტორნების მეპატრონე იტალიურ ოჯახს შორის. ფილმში "მოხავეს მთვარე" (1996) ჯოლიმ განასახიერა ელეანორ რიგბი, ამავე წლის ფილმში "ცრუ ცეცხლი" კი – მარგრეტ (ლეგს) სადოვსკი. "ლოს–ანჯელეს თაიმსი" ამ უკანასკნელ ფილმთან დაკავშირებით ანჯელინაზე წერდა: "დიდი მომზადება დასჭირდა ამ გმირის შექმნას, მაგრამ ჯონ ვოიტის ქალიშვილს აქვს იმის უნარი, რომ გადააბიჯოს სტერეოტიპებს. მიუხედავად იმისა რომ ამბის მთხრობელი არის მედი, ფილმის მთავარი აზრი მაინც ლეგია".

1997 წელს ჯოლიმ დევიდ დუხოვნისთან ერთად მონაწილეობა მიიღო ტრილერში "მოთამაშე ღმერთი", რომელიც მოგვითხრობს ექიმზე, რომელსაც სამედიცინო ლიცენზია ჩამოართვეს და შეიტყუეს კრიმინალურ სამყაროში, სადაც ის ჯოლის გმირს – კლერს ხვდება. ფილმი კრიტიკოსებს კარგად არ მიუღიათ და როჯერ ებერტმა აღნიშნა: "ანჯელინა ჯოლი პოულობს უდავო სითბოს მძიმე და აგრესიულ როლებში, ის მეტისმეტად ლამაზი ჩანს იმისათვის, რომ იყოს კრიმინალის მეგობარი გოგონა და შესაძლოა არის კიდეც". ამის შემდეგ იყო ტელეფილმი "ნამდვილი ქალები" – ისტორიული, რომანტიკული დრამა, რომლის მოქმედებაც ამერიკის დასავლეთში ხდებოდა და რომელიც ჯენის ვოოდს ვინდლის წიგნზეა დაფუძნებული. ამავე წელს როლინგ–სტოუნზის კლიპში სიმღერაზე "Anybody Seen My Baby?" ჯოლიმ ითამაშა სტრიპტიზის მოცეკვავე, რომელიც შუაში ტოვებს შოუს, რათა ნიუ–იორკში იხეტიალოს.

მიუხედავად იმისა, რომ ანჯელინა ჯოლი ძალზედ აღიარებული იყო თავისი სამსახიობო შესაძლებლობების გამო, მისი ფილმები ხშირად ვერ ხვდებოდა ფართო აუდიტორიის წინაშე, მაგრამ "ლარა კროფტი: სამარხების მძარცველმა" (2001) ის საერთაშორისო სუპერვარსკვლავად აქცია. ეს იყო პოპულარული ვიდეოთამაშის, "სამარხების მძარცველის" ადაპტაცია და ჯოლის მოსთხოვეს რომ დაუფლებოდა ბრიტანულ აქცენტს, გაევლო სერიოზული მეომრული ტრეინინგები, რათა ეთამაშა ლარა კროფტის როლი და მართლაც, ზოგადად, ის შეაქეს თავისი ფიზიკური ტალანტის წარმოჩენის გამო , მაგრამ ამ ფილმმა უმეტესად უარყოფითი შეხედულებები გამოიწვია. Slant Magazine–მა რჩევა გამოაქვეყნა: "ანჯელინა ჯოლი ლარა კროფტის გმირის თამაშისათვისაა დაბადებული, მაგრამ რეჟისორი საიმონ ვესტი ქმნის მის მოგზაურობას Frogger–ის თამაშში". ფილმმა მოიპოვა უდიდესი საერთაშორისო წარმატება და მსოფლიოს მასშტაბით 275 მილიონი დოლარი მოაგროვა, ჯოლის კი ექშენის ქალი ვარსკვლავის ტიტული შესძინა.

შემდეგ ანჯელინამ ითამაშა ანტონიო ბანდერასთან ერთად ფილმში "ორიგინალური ცოდვა" (
2001), სადაც მან პატარძალი ჯულია რასელი განასახიერა. ეს ტრილერი დაფუძნებულია კორნელ ვულრიჩის რომანზე "ვალსი წყვდიადში". ფილმმა კრიტიკული მარცხი განიცადა, The New York Times–მა აღნიშნა: "ამბავი იძირება უფრო შვეულად ვიდრე მის ჯოლის ყელსაბამი". 2002 წელს მან ითამაშა ლენი კერიგანის როლი ფილმში "ცხოვრება ან რაღაც მაგდაგვარი", რომელიც გადმოგვცემს ამბიციური ტელე–რეპორტიორის ამბავს, რომელსაც უთხრეს რომ ერთ კვირაში მოკვდება. ფილმი "ღარიბულად" იქნა მიღებული კრიტიკოსების მიერ, თუმცა ჯოლის თამაშმა დადებითი შეფასებები დაიმსახურა. პოლ კლინტონმა CNN–დან დაწერა: "ჯოლი შესანიშნავია თავის როლში. მიუხედავად ფილმის შუაში ზოგი უაზრო სიუჟეტური ადგილისა, ეს აკადემიის ჯილდოს მფლობელი მსახიობი არის მეტად დამაჯერებელი თავის თვით–აღმოჩენისა და ცხოვრების დასრულების ნამდვილი მნიშვნელობისაკენ მოგზაურობაში".

2003 წელს ჯოლიმ განაახლა ლარა კროფტის როლი ფილმში "ლარა კროფტი სამარხების მძარცველი: სიცოცხლის აკვანი". სიქველი არ იყო ისეთივე შემოსავლიანი, როგორც ორიგინალი ფილმი და მან მსოფლიო მასშტაბით 156 მილიონი $–ი მოიტანა. მოგვიანებით, ამავე წელს, ანჯელინა გამოჩნდა ფილმში "საზღვრებს მიღმა", რომელიც აფრიკაში მყოფი დამხმარე მუშაკების შესახებ მოგვითხრობს. მიუხედავად იმისა რომ ეს ფილმი ერთგვარად ირეკლავდა მსახიობის ცხოვრებისეულ ინტერესს საქველმოქმედო საქმეების ხელის შეწყობის მიმართ, ის მაინც კრიტიკულად და ფინანსურად წარუმატებელი გამოდგა. Los Angeles Times–მა დაწერა: "ჯოლის, როგორც მან ეს გააკეთა თავის ოსკარით დაჯილდოვებულ როლში ფილმიდან "გოგონა, რომელსაც შეაწყვეტინეს", შეუძლია მოიტანოს ელექტრობა და დამაჯერებლობა როლებში, რომელთაც გააჩნიათ რეალობა, რომლის აღქმაც მას შეუძლია. მას ასევე ძალუძს აკეთოს ლარა კროფტის ფილმები და ცნობილი მულტფილმები, მაგრამ ჰიბრიდული გმირის საპყრობილე, ცუდად დაწერილი მუყაოსმაგვარი პიროვნება საჰაერო თავდასხმაში, სისხლისა და ნაწლავების სამყარო სრულიად აბეჩავებს მას".


თურმე ანჯელინას უამრავი ჰობი მაქვს, მათ შორის ყველაზე მეტ დროს ის დანების და პირველი გამოშვების წიგნების შეგროვებას უთმობს.
მოზარდობის პერიოდში ჯოლი უსმენდა პანკ მუსიკას, მაგრამ ამავდროულად დადიოდა სამეჯლისო ცეკვებზე.
თქვენი აზრით რას ვერ იტანს ანჯელინა ჯოლი? გაგიკვირდებათ და ჩახუტებას. მას ლაპარაკიც კი უჭირს, როცა იხსენებს ჩახუტებებს.
ანჯელინა 90იანი წლების დასაწყისში საშინელ დეპრესიაში ჩავარდა, ამის გამო ის საკუთარ თავს იზიანებდა.
მისი ქორწინება ლას ვეგასში ბილი ბობთან სულ რაღაც 189 დოლარი დაჯდა.
ანჯელინა ლიცენზირებული პილოტია.
2007 წელს ის მსოფლიოს ყველაზე სექსუალური ადამიანი გახდა, ამით მან დაამარცხა თავისი მეუღლე, ბრედ პიტი, და ცნობილი ელვის პრესლი.
ანჯელინას მამა ცნობილი ოსკაროსანი მსახიობი, ჯონ ვოატიაა.
2000 წელს ის ბილი ბობ ტონორს გაყვა ცოლად, ბილი ენჯის 20 წლით უფროსი იყო და თანაც მისთვის ანჯელინა მეხუთე ცოლი იყო .
1999 წელს ანჯელინამ ითამაშა დენზელ ვაშინგტონთან ერთად ფილმში The Bone Collector.

 
 ბავშვობაში ანჯელინა შეუხედავი იყო, ატარებდა სქელშუშებიან სათვალეს და აგროვებდა ქვეწარმავლების ფიტულებს, რის გამოც მას თანაკლასელები მუდამ მასხრად იგდებდნენ.

 სკოლაში სწავლის პერიოდში ანჯელინა თავის მასწავლებლებს უყვებოდა, რომ მომავალში დამკრძალავი ბიუროს დირექტორი ან პათოლოგანატომი გახდებოდა. თანაკლასელებისგან განსხვავებით, პრინცესებისა და პრინცების ნაცვლად, ანჯელინა რვეულში ჩასისხლიანებულ ტუჩებსა და კუბოებს ხატავდა.

 მამამ, ჯონ ვოიტმა, ანჯელინა პრესტიჟულ, ლი სტრასბერგის სამსახიობო ოსტატობის შემსწავლელ სკოლაში მოაწყო, მაგრამ, ანჯელინამ იქ სწავლის გაგრძელება არ ისურვა, რადგან მიაჩნდა, რომ სტანისლავსკის სისტემის გარეშეც მიაღწევდა წარმატებას.

 ხანგრძლივი დროის განმავლობაში ანჯელინას არ ჰქონდა საკუთარი სახლი და ის ძმასთან, ჯეიმს ჰეივენთან ერთად ქირაობდა პატარა ბინას. იმ პერიოდში ჰოლივუდში მუსირებდა ჭორი, რომ ანჯელინა და ჯეიმსი ინტიმურ კავშირში იმყოფებოდნენ, რაც, რა თქმა უნდა, ბლეფი აღმოჩნდა.

14 წლის ასაკში ანჯელინამ მოდელობა დაიწყო, ძირითადად, ნიუ-იორკში, ლოს-ანჯელესსა და ლონდონში. ამას გარდა, მან მთავარი როლები შეასრულა რამდენიმე ცნობილი მუსიკოსის: ლენი კრავიცის, როლინგ სთოუნზისა და მით ლოფის ვიდეოკლიპებში.

ანჯელინას საყვარელი საკვებია: სისხლიანი სტეიკი, ნაყინი და ტეკილა.

ანჯელინა ჯოლი ცნობილი ბისექსუალია, თუმცა, უპირატესობას მამაკაცებს ანიჭებს. ახალგაზრდობაში ჯოლი სადომაზოხიზმით იყო გატაცებული და თავის პარტნიორებთან ერთად საწოლში სხვადასხვა სექსუალური სათამაშოებით ერთობოდა.

ანჯელინა ტატუების ფანია. მას სხეულზე რამდენიმე ათეული ტატუ აქვს, მათ შორის – დრაკონები, იეროგლიფები და ჯვრები. ერთი პერიოდი ჯოლის ხელზე მეორე ქმრის, ბილი ბობ ტორნტონის სახელი ჰქონდა დატანილი, მაგრამ, გაშორების შემდგომ მან ტატუ მოიშორა.

ანჯელინას სიმაღლე 173 სანტიმეტრია, წონა – 52 კილოგრამი, ხოლო სხეულის პარამეტრები – 92-72-91.

ფილმისთვის „შეწყვეტილი სიცოცხლე” მიღებული „ოსკარითა” და სხვა ათეული კინონომინაციით (მათ შორის „ოქროს გლობუსის” ნომინაციებით) ანჯელინამ მამას, ჯონ ვოიტს გაუსწრო ჯილდოების რაოდენობით.

ანჯელინა ჯოლის თავად უყვარს სახიფათო ილეთების შესრულება ფილმების გადაღების დროს და იშვიათად სარგებლობს კასკადიორების მომსახურებით. მის მიერ შესრულებული ტრიუკების ნახვა შესაძლებელია ფილმებში: „ლარა კროფტი”, „ძებნილი” და „გაიტაცო 60 წამში”.

ანჯელინას თვალის ფერი განათების მიხედვით იცვლის ფერს.

მისი საყვარელი ფერებია: შავი, თეთრი და კრემისფერი; საყვარელი მომღერლები – ფრენკ სინატრა, მადონა და ელვის პრესლი.

რეალურ ცხოვრებაში ანჯელინა ნაკლებად იყენებს მაკიაჟს, მხოლოდ ტონალურ კრემსა და უფერო ტუჩსაცხს ისვამს.

ანჯელინას წინაპრები იყვნენ ჩეხები, ფრანგები და ჩეროკის ტომის ინდიელები, ისევე, როგორც ჯონი დეპის წინაპრები.

მსახიობის ჰობია ფერწერული ტილოების, ასევე, სხვადასხვა ქვეყნის ცივი იარაღების, ხმლების, დანების შეგროვება.

ანჯელინას ძალიან უყვარს გველები, ერთი პერიოდი მას სახლში ჰყავდა მოთვინიერებული მცირე ზომის პითონი. ვარაუდობენ, რომ სწორედ ამ ფაქტის გამო არ გაუჭირდა მსახიობს მუშაობა გველთან, ფილმ „ალექსანდრეს” გადაღებების დროს.

2001 წელს ანჯელინამ იშვილა ვაჟი – მედოქსი, 2003 წელს – ვაჟი პაქს-ტიენი, 2005 წელს – ქალიშვილი ზაჰარა, 2006 წელს ანჯელინას ბრედ პიტისგან ეყოლა ქალიშვილი – შილო ნუველი, 2008 წელს კი – ტყუპები, ნოქს ლეონი და ვივიენ მარჩელინი. ექვსივე შვილი ანჯელინასა და ბრედ პიტის გვარებს ატარებს, ჯოლი-პიტ.

ანჯელინა ჯოლიმ, პრაქტიკულად არც ერთი კერძის მომზადება არ იცის და მზარეულობისა თითქმის არაფერი ესმის. ბავშვების ჭამაზე პასუხისმგებელი ბრედ პიტია.

ბრედ პიტის გაცნობამდე ანჯელინა ჯოლი არ აპირებდა ბიოლოგიური შვილების ყოლას და კიდევ რამდენიმე ბავშვის აყვანას გეგმავდა, მაგრამ, პიტმა რადიკალურად შეცვალა მისი ცხოვრება და ამჟამად ანჯელინას სამი საკუთარი შვილი ჰყავს.

ანჯელინა ჯოლი ცაციაა.

ანჯელინამ და ბრედმა მცირე ზომის კუნძული შეიძინეს არაბეთის გაერთიანებულ საემიროებში მდებარე ხელოვნურ არქიპელაგ „უორლდში”, რომელიც 300 კუნძულისგან შედგება და კოსმოსიდან მსოფლიოს რუკის ფორმას ქმნის.

ანჯელინა ჯოლისა და ბრედ პიტის წყვილს ამერიკულ პრესაში ხშირად „ბრენჯოლინად” მოიხსენიებენ.

ანჯელინა ჯოლის ორმაგი მოქალაქეობა აქვს – ის ერთდროულად ამერიკისა და კამბოჯის მოქალაქეც არის.

ანჯელინა ჯოლი საფეხბურთო კლუბ „ლივერპულის” ქომაგია იმ მარტივი მიზეზის გამო, რომ მედოქსი მხოლოდ ამ გუნდს ქომაგობს.

2001 წლიდან გაერთიანებული ერების ორგანიზაციის მიერ ანჯელინა ჯოლი დანიშნულია კეთილი ნების ელჩად დევნილების საკითხში.

თავისი პირველი ქმარი, მსახიობი ჯონი ლი მილერი, ანჯელინამ ფილმ „ჰაკერების” გადასაღებ მოედანზე გაიცნო. ქორწილში ანჯელინას ეცვა შავი ტყავის შარვალი და თეთრი მაისური, რომელზეც საკუთარი სისხლით ჰქონდა დაწერილი მეუღლის სახელი.

ანჯელინა ჯოლი დილის 9 საათზე და 9 წუთზე დაიბადა.

ანჯელინა ჯოლი კონტაქტურ ლინზებს ხმარობს.

ანჯელინა ჯოლის თვითმფრინავის მართვის ლიცენზია აქვს და ის ხშირად დაფრინავს მცირე ზომის საკუთარი საფრენი აპარატით.

ანჯელინა ჯოლი მესამე მსახიობი ქალია ჰოლივუდის ისტორიაში, რომლის ჰონორარმა ერთი ფილმისთვის 20 მილიონი დოლარი შეადგინა. პირველები ჯულია რობერტსი და კამერონ დიასი იყვნენ.

სხვადასხვა გამოკითხვაზე დაყრდნობით, ანჯელინა ჯოლი დასახელებულია ჰოლივუდის ყველა დროის ყველაზე სექსუალურ დედად.

კატეგორია: ბიოგრაფიები | ნანახია: 892 | დაამატა: Veriko♥ | რეიტინგი: 0.0/0
სულ კომენტარები: 2
0   Spam
2 Hermiona   (2013-03-16 7:40 PM)
kargia rom factebi dade <3

0   Spam
1 Анна❤ana   (2013-03-16 7:24 PM)
კაიიია :)))
<3 დიიდად არრ ომმწონნს ...............

კომენტარის დამატება შეუძლიათ მხოლოდ დარეგისტრირებულ მომხმარებლებს
[ რეგისტრაცია | შესვლა ]


პროფილი

 
გამოკითხვა
საიდან გაიგე ჩვენი საიტი?
სულ პასუხი: 75
 
ტოპ 8

null Veriko♥
null195
null712
null9


null სვანუკა
null151
null347
null4


null -aNA-
null89
null110
null3


null Анна❤ana
null61
null406
null7


null Hermiona
null59
null118
null2


null ninaa
null46
null122
null1


null ✞Toretto
null33
null827
null5


null Mariamo♥
null31
null55
null4

 
გამოკითხვა
რომელი მოდელი მოგწონთ?
სულ პასუხი: 87
 
სტატისტიკა

სულ ონლაინში: 1
სტუმარი: 1
მომხმარებელი: 0

საათი: 10:49 AM
თქვენი IP: 54.166.233.99
თარიღი: 2018-06-22
ბრაუზერი:
ბრაუზერის ნომერი:
 

Copyright MyCorp © 2018

Make a free website with uCoz