ANGELINA JOLIE - 23 მარტში 2013

ANGELINA JOLIE

♥ცოტაოდენი ფაქტები♥

♥ანჯელინა ჯოლისთან ინტერვიუ, რომელიც უცხოურ♥

♥პრესაში გამოქვეყნდა♥

* მოზარდობის პერიოდში ჯოლი უსმენდა პანკ მუსიკას, მაგრამ ამავდროულად დადიოდა სამეჯლისო ცეკვებზე.

* თქვენი აზრით რას ვერ იტანს ანჯელინა ჯოლი? გაგიკვირდებათ და ჩახუტებას. მას ლაპარაკიც კი უჭირს, როცა იხსენებს ჩახუტებებს.

* ანჯელინა 90იანი წლების დასაწყისში საშინელ დეპრესიაში ჩავარდა, ამის გამო ის საკუთარ თავს იზიანებდა.

* მისი ქორწინება ლას ვეგასში ბილი ბობთან სულ რაღაც 189 დოლარი დაჯდა.
* ანჯელინა ლიცენზირებული პილოტია.
* 2007 წელს ის მსოფლიოს ყველაზე სექსუალური ადამიანი გახდა, ამით მან დაამარცხა თავისი მეუღლე, ბრედ პიტი, და ცნობილი ელვის პრესლი.

ანჯელინა ჯოლისთან ინტერვიუ, რომელიც უცხოურ პრესაში გამოქვეყნდა.

– 6 შვილისა და დატვირთული სამუშაო გრაფიკის მიღმა დრო გრჩებათ პირადი ცხოვრებისათვის?
– მე და ბრედი ერთად ვგეგმავთ საღამოებს, რომლებიც, გვინდა, ერთად გავატაროთ. ბავშვებს ვეუბნებით, რომ დედას და მამას ერთად ყოფნა სურთ. მათაც უხარიათ, როცა გრძნობენ, რომ დედას და მამას ერთმანეთი უყვართ. ჩვენ ისე კარგად ვგრძნობთ თავს, რომ ხანდახან ვფიქრობთ, კიდევ ხომ არ გავზარდოთ ჩვენი ოჯახი.

– თქვენმა ქალიშვილმა შილომ თქვა, რომ არ მოეწონა, როცა ეკრანზე ქერა თმაში გნახათ ფილმში "სოლტი"
– ჩემი შვილები ვერაფრით შეეგუვნენ და მათთვის სრულიად უცხოა ის ქალი, ვინც აფიშებიდან და ეკრანიდან იყურება. მათი აზრით, ეკრანზე ყოველთვის სასაცილოდ გამოვიყურები.
– გააცნობიერეს, რომ მათი დედა პოპულარული მსახიობია?
– უფროსებმა – კი. ისინი "სოლტის" გადასაღებ მოედანზეც იყვნენ.
– ოდესმე გიფიქრიათ, რა კარგი იქნებოდა, კაცად რომ დაბადებულიყავით?
– არა, არასოდეს. ყოველთვის მომწონდა ქალად ყოფნა.

– რატომ?
– ბევრი პირადი მიზეზის გამო. მე ბედნიერი ვარ, რადგან შემიძლია შვილები მყავდეს, მომწონს, ვიყო ნაზი, მსიამოვნებს, გვერდით ბრედისნაირი მამაკაცი რომ მყავს. ქალის ტყავში თავს ძალიან კომფორტულად ვგრძნობ.
– რა გსურთ ამ კონკრეტულ მომენტში?
– მინდა, გავაგრძელო ჩემი ოჯახის მშენებლობა. ჩემი სურვილები და ფიქრები ამ ეტაპზე მთლიანად ოჯახი მოიცავს.
– თქვენი მთავარი დანიშნულება დედობაა?
– რა თქმა უნდა. დედაჩემი ყოველთვის დიდ სიყვარულს მაძლევდა. მან ყველაფერი მომცა იმისათვის, რომ ცხოვრებაში რაც მინდოდა, ის გამეკეთებინა. ყოველთვის მინდოდა, დედაჩემისნაირი დედა ვყოფილიყავი.
– პერსონაჟის ამგვარი გადაწყვეტა ჩემი დამსახურებაა. თავიდან სულ სხვა ტიპაჟი იყო ჩაფიქრებული. მე ძალიან სექსუალური გავხადე. ვფიქრობ, ეს მოუხდა. სხვაგვარად ძალიან ცივსისხლიანი გამოვიდოდა.
– როგორ ახსნით თქვენი და ბრედ პიტის მიმართ საზოგადოების ცხოველ ინტერესს?
– წარმოდგენა არ მაქვს, რა არის ამის მიზეზი. მე რომ მკითხოთ, ჩვენ ჩვეულებრივი მსახიობები და ჩვეულებრივი წყვილი ვართ. ასეთ გაცხოველებულ ინტერესს არ უნდა ვიწვევდეთ, მაგრამ ჰოლივუდი ხომ შეშლილთა ქალაქია.

– რა რეკომენდაციები შეგიძლიათ გაუწიოთ ქალებს, რომლებსაც ოცნების მამაკაცების დაპყრობა სურთ?
– არ მეხერხება ურთიერთობებში რჩევების მიცემა. თუ შეძლებ, საკუთარი ცხოვრებით იცხოვრო, ზუსტად იცოდე, რა გინდა, ეს აუცილებლად მიგიყვანს იმ შედეგებამდე, რაც გინდა. ადამიანები პირად ცხოვრებაში ხშირად იმის გამო უშვებენ შეცდომებს, რომ საკუთარ თავზე სულ სხვა წარმოდგენა აქვთ.
– თქვენ ხშირად ამბობთ, რომ გიზიდავთ ძლიერი ქალის ტიპაჟი და კლეოპატრას თამაში გინდათ.
– კი, სიამოვნებით ვითამაშებდი კლეოპატრას. ამ ისტორიის ყველა კინოვერსია ვნახე და ვიცი, როგორ უნდა გადავიღო ახლებურად ეს ამბავი. კლეოპატრას შესწავლისას მივხვდი, რომ ის იმდენად ლამაზი არ იყო, რამდენადაც ინტელექტუალური. მინდა, კლეოპატრას ისტორიის ყველაზე ნამდვილი ამბავი მოვყვე ფილმში.
– და მაინც, რატომ გხიბლავთ ჯაშუში აგენტის როლები?

– ალბათ – იმიტომ, რომ ცხოვრებაშიც მეხერხება საიდუმლოებების შენახვა, თუმცა ის ქალები, რომლებსაც ეკრანზე ვთამაშობ, რადიკალურად განსხვავდებიან ჩემი რეალური სახისაგან. სახლში აბსოლუტურად ნაზი და საყვარელ მამაკაცთან დამყოლი ქალის როლი მაქვს.
– ამბობენ, რომ ბრედ პიტი არ მოგეწონათ, როდესაც მან როლის გამო წვერი მოუშვა.
– ბრედი ყველანაირ ფორმაში მომწონს, მათ შორის – წვერითაც.
– დაბოლოს, ტრადიციული კითხვა. როდის ველოდოთ თქვენს ქორწილს?
– ჩვენ წინააღმდეგები არ ვართ, მაგრამ უკვე კარგა ხანია, ერთმანეთს ცოლ–ქმრად აღვიქვამთ. ბავშვები უფრო აახლოებენ წყვილს, ვიდრე ქორწინება. შვილები – ეს მთელი ცხოვრების ვალდებულებაა.

ანჯელინა ჯოლი: "ბრედთან თავი ნამდვილ ქალად ვიგრძენი"

ანჯელინა ჯოლი ჰოლივუდში ყველაზე ლამაზ და გემოვნებიან ქალად ითვლება. მისი ყოველი ახალი ფილმი მაყურებლის უდიდეს ინტერესს იწვევს. მხოლოდ ის ფაქტი, რომ ანჯელინა იქნება ფილმში, საკმარისია, რომ ფილმი პოპულარული გახდეს. დანარჩენს მასთან ინტერვიუდან შეიტყობთ.
– ანჯელინა, ამ ბოლო დროს უპირატესობას მძაფრსიუჟეტიან ფილმებს ანიჭებთ. რამ განაპირობა თქვენი სიყვარული ამ ჟანრის მიმართ?
– ეს ჟანრი ყოველთვის მომწონდა. როდესაც მსგავსი ტიპის ფილმში იღებ მონაწილეობას, ყველაფრისთვის უნდა იყო მზად. ასეთი ფილმების გადაღების დროს არასოდეს ვიწყენ ხოლმე. ზოგადად, ჩემს თავს მრავალფეროვან მსახიობად ვთვლი, ამიტომ მიყვარს სხვადასხვა ჟანრების ფილმებში მონაწილეობა. ბოლო დროს თრილერებისგან ვიღებ შემოთავაზებებს, ამიტომაც ვმონაწილეობ მსგავსი სტილის ფილმებში.
– წარსულში არაერთ ეროტიკულ სცენაში მიგიღიათ მონაწილეობა. მომავალში თუ აპირებთ მამაკაცების გაბედნიერებას?

– მთავარია, ფილმის სცენარი მომეწონოს და ეროტიკული სცენები პრობლემა არ იქნება. არასოდეს მქონია შეგრძნება, რომ ეროტიკაში გადაღებით რამეს ვაშავებ, ან არასწორად ვაკეთებ. ზოგიერთი მსახიობი ასეთი სცენების დროს ძალიან იძაბება და ადგილს ვერ პოულობს, მაგრამ ჩემს შემთხვევაში ეს ასე არ არის. მომავალში არ ვაპირებ უარი ვთქვა მსგავს სცენებზე, თუ ფილმი მომეწონა.
– წარსულში თქვენი პირადი ცხოვრება პრესის პირველ გვერდებს არ შორდებოდა. ამჟამად თითქოს ყველაფერი უფრო მშვიდად არის.
– როდესაც პირველად გამოვჩნდი ჰოლივუდში, ჩემ მიმართ ინტერესი უფრო დიდი იყო, რადგან ჩემ შესახებ ძალიან ცოტა იცოდნენ. წლები გავიდა და ჩემზე ყველამ ყველაფერი გაიგო, ამიტომ ინტერესი ისეთი აღარ არის. თან ახლა ჩემს პირად ცხოვრებაში ყველაფერი უფრო სტაბილურადაა, ვიდრე ადრე. ჩემი აზრით უმჯობესი იქნება, თუ პრესა ჩემს ფილმებზე უფრო მეტს დაწერს, ვიდრე პირად ცხოვრებაზე.
– ქველმოქმედებას ძალიან დიდ დროს უთმობთ. როდის გადაწყვიტეთ, რომ შეგეძლოთ, ქველმოქმედი გამხდარიყავით?

– როდესაც 2003 წელს ფილმში "საზღვრების მიღმა" მივიღე მონაწილეობა, მაშინ პირადად ვნახე იმ ხალხის მდგომარეობა, რომლებსაც დახმარება ძალიან სჭირდებოდათ. მაშინ მიხვდი, რომ აუცილებლად უნდა დავკავებულიყავი ქველმოქმედებით. ამან დიდი შვება მომიტანა და მიმახვედრა, რომ ცხოვრებაში არამხოლოდ შენთვის, არამედ სხვებისთვისაც უნდა იცხოვრო. როდესაც მე და ბრედმა ერთად ყოფნა გადავწყვიტეთ, ბრედიც შემომიერთდა და ახლა ორივე დაკავებული ვართ ქველმოქმედებით.
– თქვენ და ბრედი ოფიციალურად დაქორწინებული არ ხართ. არ აპირებთ, თქვენი ურთიერთობა ოფიციალური გახადოთ?

– ჩვენ უბრალოდ კარგად ვართ ერთად და არანაირი საბუთები ამისთვის საჭირო არ არის. არა მგონია, ჩვენ ოდესმე დავქორწინდეთ და დიდი ქორწილი გადავიხადოთ. ეს არ არის საჭირო. ჩვენ იმდენად კარგად გვესმის ერთმანეთის, რომ ერთად დიდხანს ვიქნებით. ბრედი ზუსტად ისეთი მამაკაცია, როგორიც მჭირდებოდა. მას ძალიან კარგად ესმის ჩემი, გაცილებით უკეთესად, ვიდრე ჩემს ყოფილ მამაკაცებს.
– რამდენად მოგწონთ თქვენი ფილმების ყურება?
– ჩემი ფილმების ყურება მაინცდამაინც არ მიყვარს, თუმცა მაინც ვუყურებ ხოლმე. ჩემი თავის მიმართ ძალიან კრიტიკული ვარ, ამიტომ ხშირად არ მომწონს ხოლმე ჩემი ფილმები. მირჩევნია, სხვა მსახიობების ფილმებს ვუყურო და მათგან რამე ვისწავლო. არა მგონია, რომელიმე მსახიობს ძალიან სიამოვნებდეს თავისი თავის ნახვა ეკრანზე. თუმცა ეს არ ნიშნავს იმას, რომ შენს ფილმებს საერთოდ არ უნდა უყურო.
– მომავალში ბრედთან ერთად ითამაშებთ რომელიმე ფილმში?

– მე ძალიან მიყვარს მასთან ერთად მუშაობა, ამიტომ არ გამოვრიცხავ, რომ მომავალში ერთად ვითამაშოთ რომელიმე ფილმში. მაგრამ ამისთვის კარგი სცენარია საჭირო, თან ორივემ რომ ერთად ვიმუშაოთ, ოჯახს ვიღა მიხედავს. ჩვენ ერთად ძალიან ჰარმონიულად ვმუშაობთ, რაც გამოჩნდა კიდეც "მისტერ და მისის სმიტებში". ალბათ არცერთ მსახიობთან არ გამომდის თამაში ისე კარგად, როგორც მასთან.
– რა შეიცვალა ბოლო წლებში თქვენს ცხოვრებაში?
– ჩემს ცხოვრებაში ბევრი რამ შეიცვალა, თან სასიკეთოდ. რამდენიმე წლის წინ არ მყავდა გვერდით ისეთი მამაკაცი როგორიც ბრედია. შესაბამისად თავს ნამდვილ ქალად არ ვგრძნობდი. ჩემმა წარმატებებმა პირად ცხოვრებაში კარიერაზეც იმოქმედა და მუშაობაც უფრო უკეთესად დავიწყე. როდესაც ოჯახში ყველაფერი კარგად არის, მუშაობა გიხარია. ჩემი ცხოვრებით ბედნიერი ვარ..