მეგან ფოქსი Esquire US -სთვის გადაიღეს.
ჰოლივუდელი მსახიობი მეგან ფოქსი ჟურნალ Esquire US -ის თებერვლის ნომრის მთავარი გმირია.
გარდა სექსუალური ფოტოსესიისა ნომერშია 26 წლის ვარსკვლავის ინტერვიუც, რომელშიც ის თავის ორსულობაზე, ტატუებზე, ეკლესიაზე და სხვა თემებზე საუბრობს.
აპრილში გვინეტ პელტროუს წიგნი It's All Good გაყიდვაში გამოვა.
სულ ახლახანს გვინეტ პელტროუს 40 წელი შეუსრულდა, მაგრამ მსახიობი ძალიან ახალგაზრდულად გამოიყურება: საიდუმლო მდგომარეობს მის დიეტაში, რომლის გამხელაც მან გადაწყვიტა ახალ წიგნში, რომელიც გაყიდვაში აპრილის თვეში გამოვა.
წიგნში It's All Good საუბარია ჯანმრთელ და სწორ კვებაზე. გვინეტს მოჰყავს ჯანმრთელი კვების 180 რეცეპტი და საუბრობს "აკრძალულ" საჭმელზე, რომელიც არასოდეს უჭამიათ მის შვილებს ეპლსა და მოსეს.
როგორც სჩანს გვინეტ პელტროუ მკაცრი დედა და მეუღლეა. ის აღიარებს, რომ ხშირად მისი ოჯახის წევრებს ნახევრად შიმშილი უხდებათ, რადგან ვერ ძღებიან დედის ჯანმრთელი სადილებით.
საერთო ჯამში, არაჯანსაღი პროდუქტების აკრძალვამ კარგად იმოქმედა მისი შვილების ჯანმრთელობაზე.
შერონ სტოუნს დამლაგებელი ქალი სასამართლოში უჩივის
ისევ სასამართლო და ისევ "ოჯახურ ამბებთან" დაკავშირებით: გასული წლის მაისში შერონ სტოუნი ბავშვების ძიძამ რასიზმში დაადანაშაულა, ახლა კი დამლაგებელმა ქალმა ანჟელიკა კასტილომ სასამართლოში უჩივლა შეურაცხყოფისა და უსამართლოდ დათხოვისათვის.
როგორც კასტილო ამტკიცებს, ის მანქანაში აწყობდა შერონის მძიმე, პროდუქტებით სავსე ჩანთებს, რის გამოც წელი დაიზიანა. მან ექიმს მიმართა, რომელმაც აუკრძალა, ცოტა ხნით, სიმძიმეების აქწევა. ექიმის მიერ გაცემული ცნობით ის სტოუნთან მივიდა და რამდენიმე დღით გათავისუფლება სთხოვა, რის გამოც მას სტოუნმა ჩხუბი დაუწყო და "გიჟი" და "სულელი" უწოდა, ამის შემდეგ კი საერთოდ დაითხოვა სამსახურიდან.
შერონ სტოუნის ადვოკატმა ამ ბრალდებებს "ექსცენტრიული და სასაცილო" უწოდა. დასძინა, რომ კასტილო არავის გაუთავისუფლებია სამსახურიდან - ის ისევ იყენებს სამედიცინო დაზღვევას, რომელიც მას ეკუთვნის, როგორც მისს სტოუნის დამლაგებელს.
"ჩვენ დარწმუნებული ვართ, რომ მისს სტოუნი მოიგებს ამ უაზრო საქმეს და როგორც კი ეს მოხდება, ის მზადაა წამოაყენოს შემხვედრი ბრალდება იმ პირების წინააღმდეგ, ვინც პასუხისმგებელია ამ საქმის ორგანიზებაში," - განაცხადა ადვოკატმა.
"დიდი გეთსბი" კანის ფესტივალს გახსნის
კანის ფესტივალი 15 მაისს იხსნება და 26-ში დაიხურება, უკვე ცნობილია კინოჩვენების ზოგიერთი დეტალები.
ფესტივალის ჟიურის თავმჯდომარეა სტივენ სპილბერგი, ხოლო 66-ე კანის ფესტივალი კი გაიხსნება ბაზ ლურმანის ფილმით „დიდი გეთსბი", რომელშიც მთავარ როლს ლეონარდო დიკაპრიო ასრულებს.
ცნობილია, რომ „გეთსბი" არ იბრძოლებს „ოქროს პალმის რტოს" მოსაპოვებლად, ის წარდგენილი იქნება კონკურსგარეშე.
ცნობისათვის, კრიტიკოსები არ სწყალობენ ამ ფილმს.
195
712
9
