ბრედ პიტის მეგობარმა ფრენკ პოლარომ პრესტიჟული ჟურნალის Esquire ჟურნალისტებთან განაცხადა, რომ ბრეტ პიტი ანჯელინა ჯოლის 2004 წელს დაუახლოვდა. მას შემდეგ ბრედმა უარი განაცხადა ეროტიულ სცენებში მონაწილეობაზე ნებისმიერთან, გარდა თავისი შეყვარებულისა.
"ის უგონოდაა მისგან და ჯოლიც იგივეს განიცდის," - განაცხადა პოლარომ, რომელიც პიტის პარტნიორია ავეჯის ბიზნესში.
"ერთხელ მე მათთან სახლში მივედი, იქ იყო მათი შვილი ზახარა. გოგონამ მოულოდნელად თქვა: "მამა, შენ ხომ არ აპირებ ისევ შეაწუხო დედა?" ისინი სულ ასე არიან, არ შეუძლიათ ერთმანეთს დაშორდნენ," - განუცხადა ჟურნალისტებს პოლარომ.
ბრედ პიტის ბიზნეს-პარტნიორის თქმით, მათი ურთიერთობები მას შემდეგაც არ შეცვლილა, რაც ენჯი იძულებული იყო სარძევე ჯირკვლების ოპერაცია გაეკეთებინა. პოლარომ განაცხადა, რომ ენჯი ყოველთვის გრძნობს ბრედის მორალურ მხარდაჭერას.
მალე ჟურნალი Esquire გამოაქვეყნებს ბრედ პიტის ინტერვიუს, სადაც ის აღიარებს, რომ ოჯახი მისთვის პირველ ადგილზეა:
"როცა ვგეგმავდი ოჯახის შექმნას, მე ვიმედოვნებდი, რომ ის დიდი ოჯახი იქნებოდა. მე მინდოდა, რომ ჩემ ოჯახში მუდმივად ქაოსი ყოფილიყო. ყვირილი, სიცილი, ტირილი - მე ეს მომწონს. რა თქმა უნდა ხანდახან კარგია ერთ-ორი ღამე სასტუმროში გაატარო, წყნარად წაიკითხო გაზეთი, მაგრამ ორი დღის შემდეგ უკვე გწყინდება და ოჯახი გენატრება," - განაცხადა ბრედ პიტმა.
მსახიობმა აღნიშნა, რომ ჯოლისთან შეხვედრამდე მისი ცხოვრება სრულ ქაოსს წარმოადგენდა: "მე დამოკიდებული ვიყავი ნარკოტიკებზე და უფსკრულში მივექანებოდი". 
 
 
ყველაზე მაგარი წყვილია მე მაგრა მომწონს ძაან საყვარლები არიან <3
საერთოდ ძაან საყვარელი ოჯახი აქთ ყველნი საყვარლები არიან <3
თქვენ მოგწონთ ეს წყვილი? მემგონი რო ყველას მოსწონს, ეს ჩემი აზრია თქვენ თქვენი აზრი გამოთქვით ამ წყვილთან დაკავშირებით :))
|
195
712
9
