წიგნი პირველად 2008 წლის 14 სექტემბერს გამოიცა და რამოდენიმე კვირაში ბესთსელერად იქცა. მან ყველა ასაკის მკითხველში დიდი მოწონება დაიმსახურა და მალევე მისი ავტორი – სუზან კოლინსი მილიარდელი გახადა. ამჯერად უკვე წიგნის სამი ნაწილი არსებობს და მსოფლიოს თითქმის 150 ქვეყანაში იყიდება. წიგნს თანამედროვე ბინდსაც კი უწოდებენ, რადგან არსებობს ბევრი საერთო ამ ორ ნაწარმოებს შორის. წიგნის წარმატების შემდეგ ჰოლივუდის პროდუსერებმა გადაწყვიტეს ფილმის გადაღება, მალე Lionsgate_მა ფილმს გამოუყო დაფინანსება და დაიწყო გადაღებებიც. გთავაზობთ მშიერი თამაშების (The Hunger Games) რამოდენიმე სურათს, რომლებიც დღეს დილით გამოქვეყნდა და მის მოკლე აღწერას, რომელიც სუზან კოლინსმა თვითონ დაწერაIMDB_სთვის.

არც ისე შორეული მომავალი. ჩრდილოეთ ამერიკა განადგურებულია გვალვისგან, ცეცხლისგან, შიმშილისგან და ომისგან. მთელს კონტინეტზე მხოლოდ ერთი ქვეყანაღა დარჩა და მას პანემი უწოდეს. პანემი შედგება მხოლოდ კაპიტოლიუმისგან (აშშ_ს კონგრესის შენობა) და 12 ოლქისგან. ყოველ წელს თითოეული ოლქიდან ლატარიის პრინციპით ირჩევენ ორ წარმომადგენელს, რომლებიც მშიერ თამაშებში (The Hunger Games) იღებენ მონაწილეობას და მათგან ცოცხალი მხოლოდ ერთი ბრუნდება. თამაში მთელს პანამში გადაიცემა და ყველა მცხოვრები, ამ სიტყვის პირდაპირი მნიშვნელობით ვალდებულია, რომ უყუროს თუ როგორ ცდილობენ მოთამაშეები თამაშიდან ერთმანეთის გამოთიშვას. 16 წლის კეტნისის უმცროსი და აირჩიეს თამაშში მონაწილედ, თუმცა კეტნისი მის მაგივრად გადაწყვეტს მონაწილეობის მიღებას. მას და ქალაქიდან არჩეულ კიდევ ერთ მონაწილეს – მცხობელის შვისლ პეეტას მოუწევთ, რომ დაუპირისპირდნენ უფრო დიდ და უფრო ძლიერ მოწინააღმდეგეებს, რომლებსაც ამ დღისთვის მთელი ცხოვრება ამზადებდნენ.

ფილმში დიდი ადგილი უკავია სასიყვარულო სამკუთხედს, რომელიც კეტნისის თანამგზავრ პეეტასა და კეტნისის საუკეთესო მეგობრის გეილის იღგვლივ ვითარდება. პეეტა, რომელიც არის უბრალო მცხობელის შვილი, თუმცა კარგად ფლობს ყველანაირ საბრძოლო საშუალება კეტნისის დიდი დამცველი ხდება და სიკვდილისგანაც ბევრჯერ იხსნის. გეილი კი კეტნისის ბავშვობის მეგობარია, მას გოგონა თავდავიწყებით უყვარს, თუმცა მეგობრობას არ რისკავს. სწორედ ამ სასიყვარულო სიუჟეტის გამო მშიერ თამაშებს ბინდის გაგრძელებასაც კი უწოდებენ.